భద్రాద్రికొత్తగూడెం, వెలుగు: పట్టణంలోని పేదల భూములను కబ్జా చేస్తున్న బీఆర్ఎస్ నేతలపై క్రిమినల్ కేసులు పెట్టాలని బీఎస్పీ స్టేట్ జనరల్ సెక్రటరీ యెర్రా కామేశ్ డిమాండ్ చేశారు. పట్టణంలోని పాత కొత్తగూడెంలో బీఆర్ఎస్ ప్రజాప్రతినిధులు ఆక్రమించిన ల్యాండ్ను బీఎస్పీ నేతలు ఆదివారం సందర్శించారు.
పాత కొత్తగూడెంలో పేదలకు పంచేందుకు సెలెక్ట్ చేసిన గవర్నమెంట్ ల్యాండ్ను కొందరు బీఆర్ఎస్ నేతలు ఆక్రమించుకోవడం దారుణమన్నారు. గాజుల రాజం బస్తీ, రైతు మార్కెట్ ప్రాంతాల్లో రూ. కోట్ల విలువైన సర్కార్ భూమిని ఆక్రమించిన బీఆర్ఎస్ నాయకులు, ప్రజాప్రతినిధులపై కలెక్టర్ సమగ్ర విచారణ చేసి కేసులు పెట్టాలని కోరారు. లేని పక్షంలో బీఆర్ఎస్ ఆందోళనలు చేపడ్తామని హెచ్చరించారు.
