ముంబై: మహారాష్ట్ర బుల్లితెర పరిశ్రమలో తీవ్ర విషాదం నెలకొంది. యువ టీవీ నటుడు అమన్ జైస్వాల్ (23) రోడ్డు ప్రమాదంలో మృతి చెందాడు. 2025, జనవరి 17న ముంబైలోని జోగేశ్వరి వెస్ట్రన్ ఎక్స్‌ప్రెస్ హైవేపై జరిగిన రోడ్డు ప్రమాదంలో అమన్ మరణించాడు. ఓ సీరియల్లో ఆడిషన్ కోసం వెళ్తుండగా ట్రక్కు ఢీకొట్టడంతో ఈ దుర్ఘటన జరిగినట్లు తెలుస్తోంది. మోస్ట్ పాపులర్ హిందీ సీరియల్ ధర్తీపుత్ర నందిని సీరియల్లో అమన్ నటించాడు. దీంతో పాటుగా పలు సీరియల్స్లో యాక్ట్ చేసి చిన్న వయస్సులోనే నటుడిగా మంచి గుర్తింపు తెచ్చుకున్నాడు అమన్ జైస్వాల్.
ధర్తీపుత్ర నందిని రచయిత ధీరజ్ మిశ్రా అమన్ జైస్వాల్ మృతిని ధృవీకరించారు. ఈ మేరకు సోషల్ మీడియా వేదికగా సంతాపం తెలిపారు. ‘‘మీరు మా జ్ఞాపకాలలో ఎప్పటికీ జీవిస్తారు.. దేవుడు కొన్నిసార్లు ఎంత క్రూరంగా ఉంటాడో ఈ రోజు నీ మరణం నాకు ఈ విషయాన్ని గ్రహించేలా చేసింది.. ఆల్వీదా’’ అని ట్వీట్ చేశారు ధీరజ్ మిశ్రా. యాక్టర్గా ఎంతో భవిష్యత్ ఉన్న అమన్ చిన్న వయస్సులోనే మృతి చెందడంపై పలువురు సంతాపం వ్యక్తం చేశారు.
అమన్ జైస్వాల్ నేపథ్యం:
ఉత్తరప్రదేశ్‌లోని బలియాకు చెందిన అమన్ జైస్వాల్ మోడల్గా కెరీర్ మొదలుపెట్టాడు. ఆ తర్వాత పలు టీవీ సీరియల్స్లో అవకాశం దక్కించుకున్నాడు. హిందీలో పాపులర్ సీరియల్ ధర్తీపుత్ర నందినిలో అమన్ ప్రధాన పాత్ర పోషించి నటుడిగా మంచి గుర్తింపు సంపాదించుకున్నాడు. అలాగే.. సోనీ టీవీ సిరీస్ పుణ్యశ్లోక్ అహల్యాబాయి సీరియల్లో అతను యశ్వంత్ రావ్ ఫాన్సే రోల్ ప్లే చేశాడు. సర్గున్ మెహతా నిర్మించిన ఉడారియన్‌ సీరియల్లోనూ నటించాడు అమన్.
