‘బబుల్ గమ్‌’ చిత్రంతో హీరోగా ఎంట్రీ ఇచ్చిన యాంకర్ సుమ, నటుడు రాజీవ్ కనకాల కొడుకు రోషన్ హీరోగా నటిస్తున్న మరో చిత్రం ‘మోగ్లీ 2025’. ‘కలర్‌ ఫొటో’ ఫేమ్ సందీప్ రాజ్ ఈ చిత్రానికి దర్శకత్వం వహిస్తున్నాడు. పీపుల్ మీడియా ఫ్యాక్టరీ బ్యానర్‌‌‌‌‌‌‌‌పై టీజీ విశ్వ ప్రసాద్, కృతి ప్రసాద్ నిర్మిస్తున్నారు. ఈ నెలలో రెగ్యులర్ షూటింగ్ మొదలుపెడుతున్నట్టు శుక్రవారం తెలియజేశారు.
ఫారెస్ట్ బ్యాక్‌‌‌‌డ్రాప్‌‌‌‌లో సాగే ఈ లవ్‌‌‌‌స్టోరీ నుంచి ఇప్పటికే విడుదలైన ఫస్ట్ లుక్ పోస్టర్, టైటిల్ సినిమాపై క్యూరియాసిటీని పెంచాయి. సాక్షి సాగర్‌ మదోల్కర్‌ హీరోయిన్‌‌‌‌గా పరిచయమవుతోంది. కాల భైరవ సంగీతం అందిస్తున్నాడు. ఇదిలా ఉంటే రోషన్ మరో మూవీకి గ్రీన్ సిగ్నల్ ఇచ్చాడని, ఈ ఏడాది సెకండాఫ్‌‌‌‌లో ఈ సినిమా షూటింగ్‌‌‌‌ను స్టార్ట్ చేసేలా ప్లాన్ చేస్తున్నట్టు తెలిపారు.
