ఢిల్లీ నుంచి గోవా వెళ్తున్న ఎయిర్‌ ఇండియా విమానంలో లైంగిక వేధింపుల ఘటన చోటుచేసుకుంది. తోటి ప్రయాణికురాలిని లైంగికంగా వేధించాడు.. ఓ ప్రబుద్ధుడు. ఈ ఘటనలో 23 ఏళ్ల యువకుడిని గోవా పోలీసులు అరెస్టు చేశారు.
పోలీసులు తెలిపిన వివరాల ప్రకారం, మంగళవారం ఉదయం 11 గంటల నుంచి మధ్యాహ్నం 1.20 గంటల మధ్య ఎయిర్‌ ఇండియా విమానంలో ఈ ఘటన జరిగింది. న్యూఢిల్లీలోని జనక్‌పురి నివాసి అయిన 28 ఏళ్ల యువతి నిద్రలో ఉండగా.. పక్క సీటులో ఉన్న వ్యక్తి, దుప్పటి లాగి అసభ్యకరమైన చర్యలకు పాల్పడ్డాడు. ఎవరో తన ఒంటిపై చేయి వేసినట్లు గుర్తించిన యువతి గట్టిగా అరవడంతో ఈ వ్యవహారం వెలుగులోకి వచ్చింది.
యువకుడి అరెస్ట్
విమానం గోవాలో ల్యాండైన అనంతరం యువతి తన పట్ల అసభ్యంగా ప్రవర్తించిన యువకుడిపై పోలీసులకు ఫిర్యాదు చేసింది. నిందితుడిని హర్యానాలోని పానిపట్‌కు చెందిన జితేందర్ జాంగియాన్‌(23)గా గుర్తించిన దబోలిమ్ విమానాశ్రయ పోలీసులు బుధవారం అతన్ని అరెస్టు చేశారు. నిందితుడిపై భారతీయ న్యాయ సంహితలోని సెక్షన్లు 75, 79 కింద కేసు నమోదు చేశారు.
ALSO READ | పార్ట్ టైం రాపిడో నడుపుతున్న వీడియో జర్నలిస్ట్ యాక్సిడెంట్‌లో మృతి
