- బైండోవర్ చేసిన బాచుపల్లి పోలీసులు.. ఆలస్యంగా వెలుగులోకి..
జీడిమెట్ల, వెలుగు: బొమ్మ తుపాకీతో హల్చల్ చేసిన బీటెక్ స్టూడెంట్లను బాచుపల్లి పోలీసులు అదుపులోకి తీసుకుని బైండోవర్చేశారు. ఈ నెల 13న ఈ ఘటన జరగగా, ఆలస్యంగా వెలుగులోకి వచ్చింది. పోలీసుల వివరాల ప్రకారం.. బాచుపల్లి డాలర్ మిడోస్కి చెందిన ముప్పిడి విశాల్రెడ్డి, హరితవనం పద్మావతి ఫ్రైడ్కి చెందిన కేతిరెడ్డి కౌశిక్ రెడ్డి, నిజాంపేట కేటీఆర్ కాలనీ శ్రీసాయి ద్వారకా హైట్స్కి చెందిన రావూరి చరణ్, పటాన్చెరువు ఏపీఆర్ గ్రాండియర్కి చెందిన దంతులూరి కౌశిక్వర్మ ఒకే కాలేజీలో బీటెక్చదువుతున్నారు.
వీరంతా కలిసి 13న అర్ధరాత్రి 11.30 ప్రాంతంలో నిజాంపేట కేటీఆర్ కాలనీలో సినిమాల్లో ఉపయోగించే బొమ్మ తూపాకీతో హల్చల్చేశారు. దారిన పోయేవారిని షూట్చేస్తున్నట్లు భయపెట్టారు. స్థానికుల ఫిర్యాదుతో బాచుపల్లి పోలీసులు యువకులను అదుపులోకి తీసుకున్నారు. వారి వద్ద ఉన్నది బొమ్మ తుపాకీగా గుర్తించారు. కేసు నమోదు చేసి బొమ్మ తుపాకీని స్వాధీనం చేసుకున్నారు. అనంతరం బాచుపల్లి తహసీల్దార్ ముందు హాజరుపరిచారు. ఈ ఘటన జరిగి 15 రోజులుకావస్తున్నా విషయాన్ని గోప్యంగా ఉంచడంపై అనుమానాలు వ్యక్తమవుతున్నాయి.
