- విషమంగా బాధితుడి పరిస్థితి
- లైంగికదాడి కేసులో జైలుకు వెళ్లిన నిందితులు
- కామారెడ్డి జిల్లాలో ఘటన
కామారెడ్డి: లైంగికదాడి కేసులో బెయిల్పై బయటకు వచ్చిన నిందితులు ఓ వ్యక్తిపై దాడి చేశారు. కామారెడ్డి జిల్లా నాగిరెడ్డిపేట మండలం రాఘవపల్లిలో ఈ ఘటన చోటుచేసుకుంది. గ్రామానికి చెందిన దివ్యాంగురాలి అయిన ఓ వృద్ధుడి కూతురిపై గతంలో నలుగురు యువకులు అత్యాచారం చేశారు. తండ్రి ఫిర్యాదుతో యువకులపై పోలీసులు కేసు నమోదు చేసి జైలుకు పంపించారు.
కేసు కోర్టులో ట్రయల్ నడుస్తోంది. ఇటీవల బెయిల్పై జైలు నుంచి నిందితులు బయటకు వచ్చారు. ఈ క్రమంలో వృద్ధుడిపై నిందితులు కోపం పెంచుకున్నారు. ఇవాళ ఆ వృద్ధుడిపై ఇద్దరు యువకులు దాడి చేసి గొంతు కోసి హత్యాయత్నం చేశారు. బాధితుడి పరిస్థితి విషమంగా ఉండడంతో ఎల్లారెడ్డి ఏరియా ఆస్పత్రికి తరలించి చికిత్స అందిస్తున్నారు.
