భైంసా, వెలుగు: బాసర ట్రిపుల్ఐటీలో ప్రముఖ యూట్యూబ్ఛానల్ మై విలేజ్ షో బృందం సందడి చేసింది. వీసీ ప్రొఫెసర్ గోవర్ధన్ ఆదేశాలతో చేపట్టిన కార్యక్రమంలో 2000 మందికిపైగా విద్యార్థులు పాల్గొన్నారు. బిగ్ బాస్ ఫేమ్ గంగవ్వ, మై విలేజ్ షో వ్యవస్థాపకుడు శ్రీకాంత్, సభ్యుడు చందు, ఇన్‌ఫ్లుయెన్సర్ స్టీఫెన్ భాను హాజరయ్యారు. ఈ సందర్భంగా కంటెంట్ సృష్టి, వ్యవస్థాపకత, డిజిటల్ వృద్ధిపై అవగాహన కల్పించారు. గంగవ్వ మాట్లాడుతున్నంతసేపు స్టూడెంట్లు కేరింతలు కొట్టారు.
ప్రశ్నోత్తరాల సెషన్ నిర్వహించి వారితో విద్యార్థులు నేరుగా సంభాషించే వీలు కల్పించగా మంచి స్పందన వచ్చింది. కార్యక్రమంలో వర్సిటీ ఓఎస్డీ మురళి దర్శన్, అడ్మినిస్ట్రేటివ్ ఆఫీసర్ రణధీర్ సాగి, డాక్టర్ రాకేశ్ రెడ్డి తదితరులు పాల్గొన్నారు.
