కంటెంట్ క్రియేటర్స్ చిన్న వీడియోల్ని షేర్ చేసుకునేందుకు యూట్యూబ్ షార్ట్స్ యాప్ ఉపయోగిస్తుంటారు. వీళ్లకోసం ఈమధ్యే ‘గ్రీన్ స్క్రీన్’ అనే ఫీచర్ తెచ్చింది యూట్యూబ్. ఈ ఫీచర్ సాయంతో నిమిషం నిడివి ఉన్న యూట్యూబ్ వీడియోలు, షార్ట్స్ని తమ ఒరిజనల్ షార్ట్ వీడియోకి బ్యాక్గ్రౌండ్గా పెట్టుకోవచ్చు. యూజర్లు వీడియోతో పాటు ఆడియో లేదా వీడియో మాత్రమే చేయొచ్చు కూడా.
ఇప్పటికైతే ఈ ఫీచర్ ఐఒఎస్ యూజర్లకు మాత్రమే అందుబాటులో ఉంది త్వరలోనే ఆండ్రాయిడ్ యూజర్లకు రానుంది. గ్రీన్ స్క్రీన్ ఫీచర్ కోసం... యూట్యూబ్ షాట్స్ యాప్లో వీడియో ఓపెన్ చేసి ‘క్రియేట్’ ఐకాన్ మీద నొక్కాలి. ‘గ్రీన్ స్క్రీన్’ ఆప్షన్ సెలక్ట్ చేసి, ఒరిజినల్ వీడియోని రికార్డ్ చేయాలి. గ్రీన్ స్క్రీన్ ఫీచర్ ఏం చేస్తుందంటే... స్మార్ట్ఫోన్లోని ఇమేజ్ ప్రాసెసింగ్ క్యాపబిలిటీని వాడుకుని వీడియో బ్యాక్గ్రౌండ్ని మార్చేసి, ఆ ప్లేస్లో సెలక్ట్ చేసుకున్న వీడియోని పెడుతుంది. దాంతో, కంటెంట్ క్రియే టర్స్ ఎక్కడ వీడియో చేసినా నచ్చిన పాట లొకేషన్ని బ్యాక్గ్రౌండ్లో సెట్ చేసుకొనే వీలుంటుంది.
ఆన్లైన్ పేమెంట్ యాప్స్ వచ్చాక జేబులో పర్స్ లేకున్నా నడిచిపోతోంది. వీటికి తోడు ఐ ఫోన్ యూజర్లకు యాపిల్ వ్యాలెట్ యాప్, సామ్సాంగ్ పే వంటి యాప్స్ ఉన్నాయి. ఆండ్రాయిడ్ యూజర్ల కోసం గూగుల్ త్వరలోనే ఒక కొత్త వ్యాలెట్ యాప్ తీసుకురాబోతోంది. పేరు గూగుల్ వ్యాలెట్ యాప్. నలభై దేశాల్లోని యూజర్లకు ఈ యాప్ అందుబాటులోకి రానుంది.
ఇదొక వర్చువల్ వ్యాలెట్. ఇందులో డబ్బులు వేసి, అవసరమైనప్పుడు ఖర్చు చేయొచ్చు. అంతేకాదు బ్యాంక్ కార్డు వివరాల్ని ఈ వ్యాలెట్లో స్టోర్ చేసుకోవచ్చు. ఫ్లయిట్ టికెట్స్ ఇందులో పెడితే, ఫ్లయిట్ ఆలస్యమైనప్పుడు నోటిఫికేషన్స్ వస్తాయి. ఈ యాప్లో స్టూడెంట్స్ ఐడీ కార్డ్స్, వ్యాక్సిన్ సర్టిఫికెట్, ఈవెంట్స్కి సంబంధించిన టికెట్స్ని స్క్రీన్ షాట్ తీసి పెట్టుకోవచ్చు.
