హైదరాబాద్: రాష్ట్ర సంచలనం సృష్టిస్తోన్న బెట్టింగ్ యాప్స్ ప్రమోషన్స్ కేసులో యూట్యూబర్ ఇమ్రాన్కు హైకోర్టులో చుక్కెదురైంది. ఎఫ్ఆర్ క్వాష్ చేసేందుకు, దర్యాప్తుపై స్టే విధించేందుకు హైకోర్టు తిరస్కరించింది. ఈ కేసులో పోలీసుల విచారణకు హాజరు కావాల్సిందేనని ఇమ్రాన్ను ఆదేశించింది. కాగా, బెట్టింగ్ యాప్స్ ప్రమోట్ చేశాడన్న ఆరోపణలపై యూట్యూబర్ ఇమ్రాన్పై పంజాగుట్ట పీఎస్‌లో కేసు నమోదైంది. త్వరలోనే నోటీసులు విచారణకు పిలిచేందుకు పోలీసులు సిద్ధం అవుతున్నారు. ఈ క్రమంలో యూట్యూబర్ ఇమ్రాన్ తెలంగాణ హైకోర్టును ఆశ్రయించాడు. బెట్టింగ్ యాప్స్ ప్రమోషన్స్ ఆరోపణలపై పంజాగుట్ట పోలీస్ స్టేషన్లో తనపై నమోదైన కేసును కొట్టేయాలని క్వాష్ పిటిషన్ దాఖలు చేశారు.
Also Read : డైరెక్టర్ మెహర్ రమేష్ ఇంట్లో విషాదం
అలాగే.. పోలీసులు ఈ కేసులో తదుపరి దర్యాప్తు చేపట్టకుండా స్టే ఇవ్వాలని కోరాడు. ఇమ్రాన్ పిటిషన్పై గురువారం (మార్చి 27) విచారణ చేపట్టిన హైకోర్టు.. ఎఫ్ఆర్ క్వాష్ చేసేందుకు నిరాకరించింది. అలాగే.. విచారణపై స్టే విధించాలన్న ఇమ్రాన్ అభ్యర్థనను హైకోర్టు తోసిపుచ్చింది. పోలీసుల విచారణకు హాజరై దర్యాప్తునకు సహకరించాలని ఆదేశించింది. దీంతో ఇమ్రాన్కు నోటీసులు ఇచ్చేందుకు పోలీసులు రెడీ అవుతున్నారు.
కాగా, బెట్టింగ్ యాప్స్ ప్రమోషన్స్పై పోలీసులు కొరడా ఝులిపిస్తున్నారు. కాసులకు కక్కుర్తి పడి నిబంధనలకు విరుద్ధంగా బెట్టింగ్ యాప్స్ ప్రమోట్ చేస్తోన్న సినీ సెలబ్రెటీలు, యూట్యూబర్లు, ఇన్ప్లూయెన్సర్లపై కేసులు నమోదు చేస్తున్నారు. ఇప్పటికే బాలకృష్ణ, విజయ్ దేవరకొండ, ప్రభాస్, మంచు లక్ష్మి, విష్ణు ప్రియ, నిధి అగర్వాల్, యాంకర్ శ్యామల, సుప్రియ, రీతు చౌదరి, టెస్టీ తేజ, భయ్యా సన్నీ యాదవ్, ఇమ్రాన్తో పాటు పలువురిపై కేసులు ఫైల్ చేశారు. ఇందులో ఇప్పటికే పలువురికి పోలీసులు నోటీసులు జారీ చేసి విచారించారు. మరికొందరికి విచారణకు రావాలని నోటీసులు ఇచ్చేందుకు సిద్ధమయ్యారు.
