- డ్రగ్స్ ఇస్తాడు.. నగ్న వీడియోలు తీస్తాడు
- న్యూడ్ వీడియో కాల్స్తోపాటు ఆడియో కాల్స్ కూడా..
- అందులో లావణ్యవే 40 వీడియోలు
- డ్రగ్స్ తీసుకుంటున్నవి కూడా..
హైదరాబాద్ సిటీ, వెలుగు: లావణ్య...మస్తాన్సాయిపై నార్సింగి పీఎస్లో పెట్టిన కేసులో ఆసక్తికర విషయాలు బయటకు వస్తున్నాయి. లావణ్య ఫిర్యాదుతో మూడు రోజుల కింద మస్తాన్సాయిని పోలీసులు అరెస్ట్ చేశారు. మస్తాన్సాయికి లావణ్యను 2022లో ఉన్నిత్రెడ్డి పరిచయం చేయగా, ఒక రోజు లావణ్యను ఇంట్లో పార్టీ ఉందని పిలిచాడు. అక్కడ లావణ్య డ్రెస్ మార్చుకుంటుండగా సీక్రెట్ కెమెరాలతో వీడియోలు తీశాడు. మరో రోజు మళ్లీ పార్టీ ఉందంటూ పిలిచి డ్రగ్స్ ఇచ్చాడు. ఆమె మత్తులోకి జారుకున్నాక ప్రైవేట్ వీడియోలు తీశాడు. వీడియోల గురించి మస్తాన్సాయి అతడి స్నేహితుల దగ్గర నోరు జారగా ఈ విషయం లావణ్యకు తెలిసింది.
ఆమె అతడిని ప్రశ్నించగా వీడియోలు తీశానని, పోలీసులకు చెప్తే సోషల్ మీడియాలో పెడతానని వార్నింగ్ఇచ్చాడు. ఒక రోజు మస్తాన్సాయి లేని టైం చూసి అతడి ఇంటికి వెళ్లిన లావణ్య అతడి ఐప్యాడ్లో ఉన్న వీడియోలను తన ఫోన్లో రికార్డు చేసింది. విషయాన్ని రాజ్తరుణ్కు చెప్పగా, అతడు మస్తాన్సాయితో పాటు లావణ్య దగ్గర ఉన్న వీడియోలను డిలీట్ చేయించాడు. అయితే, లావణ్యను లైంగికంగా వాడుకోవాలన్న ఉద్దేశంతో ఉన్న మస్తాన్సాయి ఆ వీడియోలను అంతకుముందే ల్యాప్ట్యాప్తో పాటు హార్డ్డ్రైవ్, పెన్డ్రైవ్లో స్టోర్చేసుకున్నాడు. మార్చి 2023లో తన చెల్లి పెండ్లి ఉందంటూ గుంటూరుకు తీసుకువెళ్లి లైంగికదాడికి ప్రయత్నించాడు.
ఆమె తప్పించుకుని అక్కడి పీఎస్లో కంప్లయింట్చేసింది. జూన్లో హైదరాబాద్కు వచ్చిన మస్తాన్సాయి పటాన్చెరులో లావణ్య తల్లిదండ్రుల ఇంటికి వెళ్లి ఆమెను కేసు వాపస్తీసుకోవాలని బెదిరించాడు. సెప్టెంబర్లో మోకిలా పీఎస్పరిధిలో సాయి మస్తాన్పై డ్రగ్స్కేసు నమోదు కాగా, ఇందులో లావణ్యను ఉద్దేశపూర్వకంగా ఇరికించాడు. ఆమె వీడియోలు ఇంకా తన దగ్గర ఉన్నాయని చెప్పడంతో లావణ్య అతడు లేనప్పుడు అతడి ఇంటికి వెళ్లి హార్డ్డిస్క్ను తీసుకుంది. దాన్ని చెక్ చేయగా పలువురు అమ్మాయిల న్యూడ్ వీడియోలతో పాటు సాయి మస్తాన్ఎంతోమంది అమ్మాయిలతో చేసిన న్యూడ్వీడియో, ఆడియో కాల్స్ఉన్నాయి. విషయం తెలుసుకున్న మస్తాన్సాయి ఆమె వల్ల తనకు ముప్పు ఏర్పడుతుందని భావించిన చంపాలని ప్లాన్ వేశాడు.
ఇలా చిక్కాడు...
జనవరి 30న లావణ్యతో వ్యక్తిగతంగా మాట్లాడాలంటూ కోకాపేటలో ఆమె విల్లాకు వెళ్లాడు. అక్కడ తనపై పెట్టిన కేసులు అన్నీ వాపస్తీసుకోవాలని, తన దగ్గరి నుంచి హార్డ్డిస్క్ తిరిగి ఇవ్వాలని బెదిరించాడు. ఆమె వినకపోవడంతో గొంతు నులిమి చంపబోయాడు. దీంతో ఆమె తన తమ్ముడు, పనిమనిషి సాయంతో హార్డ్డిస్క్తీసుకుని తప్పించుకుంది. ఆమె కోసం ఆమె ఇంటి దగ్గరే కాపాలా కాస్తూ ఉండడంతో ఫిబ్రవరి2న లావణ్య పోలీసులకు ఫిర్యాదు చేసింది. దీంతో వారు అతడిని అదుపులోకి తీసుకుని విచారించారు.
అతడి దగ్గర తీసుకున్నట్టు చెప్తున్న ఓ హార్డ్డిస్క్ను లావణ్య పోలీసులకు అందజేసింది. ఈ కేసులో తనను డ్రగ్స్కేసులో ఇరికించడానికి మస్తాన్సాయి బిగ్బాస్ఫేమ్శేఖర్బాషా పథకం పన్నాడని ఆరోపించింది. దీంతో రేపో మాపో అతడిని కూడా పోలీసులు అరెస్ట్ చేసేందుకు చూస్తున్నట్టు సమచారం. పోలీసులు సాయి మస్తాన్దగ్గర మ్యాక్ బుక్తో పాటు రెండు ఫోన్లు, పెన్డ్రైవ్, హార్డ్డిస్క్ స్వాధీనం చేసుకున్నారు. అందులో ఉన్న వీడియోల పరిశీలించడానికి ఫోరెన్సిక్ల్యాబ్కు పంపించారు.
బ్లాక్మెయిల్చేస్తడు..కోరిక తీర్చుకుంటడు
డ్రగ్స్ఇచ్చి లావణ్యతో పాటు పలువురు అమ్మాయిల న్యూడ్ వీడియోలు తీసిన మస్తాన్సాయి ఎంతోమందిని బ్లాక్ మెయిల్ చేసినట్టు సమాచారం. తన దగ్గర న్యూడ్ వీడియోలు ఉన్నాయని చాలామంది దగ్గర డబ్బులు తీసుకునేవాడని, తర్వాత వారి ముందు డిలీట్చేసినట్టు నటించేవాడని సమాచారం. అయితే, అంతకుముందే వాటిని పెన్డ్రైవ్, హార్డ్డిస్క్లో స్టోర్చేసుకునేవాడని తెలుస్తోంది. ఎవరైనా డబ్బులు ఇవ్వకపోతే లైంగికంగా వాడుకుంటూ అప్పుడు కూడా రహస్యంగా వీడియోలు తీసేవాడని ఆరోపణలున్నాయి. ‘వందల మంది యువతుల ట్రాప్ చేసి, నగ్న వీడియోలు తీసి.. బెదిరించి, లైంగిక దాడి చేశాడు.
అమ్మాయిలతో మస్తాన్సాయి న్యూడ్వీడియోలతో పాటు కొందరికి తెలియకుండా తీసిన ప్రైవేట్వీడియోలు సుమారు 200 వరకు హార్డ్డిస్క్లో ఉన్నాయి’ అని లావణ్య చెప్తోంది. అయితే హార్డ్డిస్క్లో లావణ్యకు సంబంధించినవే 40 వరకు వీడియోలు ఉన్నట్టు తెలుస్తోంది. ఈ హార్డ్ డిస్క్ ను మూడు రోజుల కింద లావణ్య పోలీసులకు అందజేసింది. హార్డ్డిస్క్తీసుకున్నానని, తన దగ్గర అతడి గుట్టు ఉందని తనను చంపేందుకు కూడా మస్తాన్సాయి వెనకాడలేదని లావణ్యను ఆరోపించింది. పోలీసులు నిర్వహించిన డ్రగ్స్ టెస్ట్ లోను మస్తాన్ సాయితో పాటు ఏ2 ఖాజాకు కూడా డ్రగ్ టెస్ట్ లో పాజిటివ్ వచ్చింది. ఇద్దరిపై ఎన్డీపీఎస్ యాక్ట్ కింద కేసు నమోదు చేసినట్టు తెలుస్తోంది.
