తక్కువ బడ్జెట్‌‌‌‌‌‌‌‌తో ట్రావెలింగ్ ఎలా చేయాలి? అనే ప్రశ్నకు సమాధానం వరుణ్ వాగీష్ వీడియోలు చూస్తే తెలిసిపోతుంది. వరుణ్ పది లక్షల మంది సబ్స్క్రయిబర్ల మార్కును దాటిన మొదటి ఇండియన్ ట్రావెల్ యూట్యూబర్. పెద్ద పెద్ద పర్వతాలు ఎక్కడం, దేశ, విదేశాల్లో ఉన్న ట్రావెలింగ్ డెస్టినేషన్స్ని ఎక్స్ప్లోర్ చేయడంతోపాటు అక్కడి కల్చర్ని అందరికీ పరిచయం చేస్తుంటాడు. కొన్నేళ్ల క్రితం 3 వేల రూపాయలతో ఎనిమిది రోజుల పాటు మలేసియాలో ట్రావెల్ చేసి అందర్నీ ఆశ్చర్యపరిచాడు.
వరుణ్ ఢిల్లీలో పుట్టాడు. చదువు కోసం చాలా రాష్ట్రాలు తిరిగాడు. ఎక్కువకాలం మహారాష్ట్రలో చదువుకున్నాడు. ఉత్తరప్రదేశ్, రాజస్థాన్, ఆంధ్రప్రదేశ్‌‌‌‌‌‌‌‌లో కూడా కొంత కాలం ఉన్నాడు. చిన్నప్పటినుంచే వరుణ్కి ట్రావెలింగ్, ట్రెక్కింగ్ అంటే ఇష్టం. అందుకే స్కూల్కు బంక్ కొట్టి దగ్గర్లోని చూడదగిన ప్లేస్లు, పర్వతాలను ఎక్స్ప్లోర్ చేసేవాడు. ఆ తర్వాత పై చదువుల కోసం మళ్లీ ఢిల్లీకి వెళ్ళిపోయాడు. ఆ టైంలో పర్వతాలు ఎక్కాలనే ఇంట్రెస్ట్‌ మరీ ఎక్కువైంది. అందుకే వీలైనప్పుడల్లా హిమాలయాలకు వెళ్లేవాడు. హిమాచల్ ప్రదేశ్, ఉత్తరాఖండ్‌‌‌‌‌‌‌‌లోని మారుమూల గ్రామాలకు వెళ్లి, అక్కడివాళ్లతో సరదాగా గడిపేవాడు వరుణ్.
ట్రావెలింగ్లోకి..
వరుణ్ న్యూఢిల్లీలోని ఐఐఎంసిలో చదువు పూర్తి చేశాడు. ఆ తర్వాత జర్నలిజంలో తన కెరీర్‌‌‌‌‌‌‌‌ను మొదలుపెట్టాడు. మాస్ కమ్యూనికేషన్‌‌‌‌‌‌‌‌లో ఎంఫిల్, పీహెచ్‌‌‌‌‌‌‌‌డీ కూడా చేశాడు. జర్నలిజం ఇన్‌‌‌‌‌‌‌‌స్టిట్యూట్‌‌‌‌‌‌‌‌లో లెక్చరర్గా కూడా పనిచేశాడు. ఆ తర్వాత పబ్లిక్ రిలేషన్స్(పీఆర్వో) డిపార్ట్‌‌‌‌‌‌‌‌మెంట్లో ఉద్యోగం సాధించాడు. ఢిల్లీ లెఫ్టినెంట్ గవర్నర్, ఢిల్లీ, కేంద్ర మంత్రుల పీఆర్ ఆఫీసర్గా కూడా పనిచేశాడు. 15 ఏళ్లు పనిచేసిన తర్వాత అతనికి నచ్చిన ట్రెక్కింగ్, ట్రావెలింగ్ని మళ్లీ మొదలుపెట్టాలనే ఆలోచన వచ్చింది. దాంతో అన్నీ పక్కకు పెట్టి 2017లో ఫుల్ టైమ్ ట్రావెలింగ్ యూట్యూబర్‌‌‌‌‌‌‌‌గా మారిపోయాడు.
3 వేలతో మలేసియాకు..
మౌంటెన్ ట్రెక్కర్ ఛానెల్లో థాయిలాండ్, మలేసియా ట్రావెల్ సిరీస్ చాలా పాపులర్ అయ్యింది. ఈ సిరీస్ని చాలామంది చూశారు. వరుణ్ కేవలం 6,000 రూపాయలతో థాయ్‌‌‌‌‌‌‌‌లాండ్‌‌‌‌‌‌‌‌లో, 3,000 రూపాయలతో మలేషియాలో ట్రావెల్ చేశాడు. అంతేకాదు.. 10,000 రూపాయల బడ్జెట్‌‌‌‌‌‌‌‌తో యూరప్‌‌‌‌‌‌‌‌లోని మూడు దేశాల్లో 15 రోజుల పాటు ట్రావెల్ చేసి చూపించాడు. ఇప్పటివరకు రష్యా, అమెరికా, కెనడాతో సహా ఎన్నో దేశాలు వెళ్లి ట్రావెల్ సిరీస్‌‌‌‌‌‌‌‌లు చేశాడు.
తన వ్లాగ్స్లో ప్రయాణ ఖర్చులు, వీసా ఎలా తీసుకోవాలి? అనే విషయాలపై చిట్కాలు, ట్రిక్‌‌‌‌‌‌‌‌లు కూడా చెప్తుంటాడు. గూగుల్లో కూడా కనిపించని ఆఫ్ బీట్, నాన్–టూరిస్టిక్ ప్లేస్లను అందరికీ పరిచయం చేస్తుంటాడు. మన దేశంలో కూడా దాదాపు అన్ని రాష్ట్రాలు వెళ్లాడు. దేశంలో పర్యాటకాన్ని ప్రోత్సహించినందుకు గాను భారత పర్యాటక మంత్రిత్వ శాఖ నుంచి అవార్డు కూడా అందుకున్నాడు వరుణ్.
యూట్యూబ్లోకి..
వాస్తవానికి వరుణ్ 2007 ఆగస్ట్‌‌‌‌‌‌‌‌లోనే ‘మౌంటెన్ ట్రెక్కర్’ పేరుతో యూట్యూబ్ చానెల్ పెట్టాడు. అతనికి పర్వతాలు ఎక్కడమంటే చాలా ఇష్టం. అందుకే ఆ పేరు పెట్టాడు. 2017 నుంచి రెగ్యులర్గా వీడియోలు చేస్తున్నాడు. అప్పటినుంచి సరిగ్గా మూడేళ్లలోనే సబ్స్క్రయిబర్ల సంఖ్య10 లక్షలు దాటింది. అతని వీడియోలు కుటుంబంతో కలిసి కూర్చొని చూసేలా ఉంటాయి. అలాంటి కంటెంట్ని మాత్రమే పోస్ట్‌ చేస్తుంటాడు. అందరికీ అర్థమయ్యేలా సరళమైన హిందీలో మాట్లాడతాడు. ప్రత్యేకంగా తక్కువ బడ్జెట్‌‌‌‌‌‌‌‌తో ఎలా ట్రావెలింగ్ చేయాలో చెప్తుంటాడు. ‘‘అసలు ట్రావెలింగ్కి పెద్దగా డబ్బు ఖర్చు చేయాల్సిన అవసరమే లేదు. ఆ విషయాన్ని మనవాళ్లందరికీ చెప్పేందుకే ఈ చానెల్ స్టార్ట్ చేశా’’నని వరుణ్ అంటున్నాడు.
వాలంటరింగ్
విదేశాలకు వెళ్లినప్పుడు వాలంటరింగ్, కౌచ్ సర్ఫింగ్, హిచ్హైకింగ్.. లాంటి సర్వీసులతో వరుణ్ చాలా ఖర్చులను తగ్గించుకుంటున్నాడు. కౌచ్ సర్ఫింగ్ ద్వారా అక్కడివాళ్ల ఇండ్లలో ఉండేందుకు షెల్టర్ దొరుకుతుంది. హిచ్ హైకింగ్ వల్ల ఒక ప్లేస్ నుంచి మరో ప్లేస్కి వెళ్లడానికి లిఫ్ట్‌ దొరుకుతుంది. వీటివల్ల అక్కడివాళ్లతో కనెక్ట్‌ అయ్యే అవకాశం.. విభిన్న సంస్కృతులు, జీవనశైలి, వంటకాల గురించి తెలుసుకునే వీలు దొరుకుతుంది. వాలంటీర్గా పనిచేయడం వల్ల కొత్త స్కిల్స్ని నేర్చుకుంటున్నాడు.
ఉదాహరణకు, అమెరికాలోని ఒక మారుమూల ప్రదేశానికి వెళ్లినప్పుడు వరుణ్ చాలా భూమి ఉన్న ఒక పెద్దాయన దగ్గర వలంటీర్‌‌‌‌‌‌‌‌గా పనిచేశాడు. అక్కడ చెక్క ఫ్రేమ్‌‌‌‌‌‌‌‌వర్క్‌, సిమెంట్ ప్యానెళ్లను ఎలా వేయాలో నేర్చుకున్నాడు. ఆ తర్వాత అదే పనిని తన హోస్ట్ కోసం చేశాడు. ‘హిచ్హైకింగ్ వల్ల నేను చాలాసార్లు గంటల తరబడి వెయిట్ చేయాల్సి వచ్చింది. దానివల్ల జీవితానికి ఎంతో అవసరమైన సహన గుణాన్ని అలవాటు చేసుకున్నా” అంటున్నాడు వరుణ్.
