ఆంధ్రప్రదేశ్ రాజకీయాలు తిరుమల లడ్డూ ప్రసాదం చుట్టూ తిరుగుతున్నాయి. వైసీపీ హయాంలో తిరుమల లడ్డూ ప్రసాదం తయారీలో జంతు నూనె వాడారంటూ సీఎం చంద్రబాబు చేసిన వ్యాఖ్యలు దేశవ్యాప్తంగా చర్చకు దారి తీసింది. ఈ వివాదంపై స్పందించిన ఏపీ పీసీసీ చీఫ్ షర్మిల సీఎం చంద్రబాబును ఉద్దేశించి సంచలన వ్యాఖ్యలు చేశారు. తిరుమల లడ్డూ వివాదం గురించి ముందే తెలిసినా చంద్రబాబు ఎందుకు ఉరుకున్నారని ప్రశ్నించారు. పాలనా వైఫల్యాలను కప్పిపుచ్చేందుకే 100రోజుల తర్వాత ఈ అంశాన్ని తెరపైకి తెచ్చారా అని ప్రశ్నించారు షర్మిల.
తిరుమల లడ్డూ శ్రీవారి భక్తుల మనోభావాలకు చెందిందని, ఈ వివాదాన్ని చంద్రబాబు తేలిగ్గా ఎలా తీసుకున్నారని ప్రశ్నించారు. విషయం ముందే తెలిసినా ఎందుకు ఉరుకున్నారని, కేవలం రాజకీయం కోసమే ఈ వివాదాన్ని వాడుకోవాలని అనుకుంటున్నారా అంటూ మండిపడ్డారు షర్మిల.
ఈ అంశంపై సీబీఐ విచారణ కోరుతూ కేంద్ర హోం మంత్రి అమిత్ షాకు లేఖ రాస్తానని, తప్పు జరిగిందా లేదా అన్నది తేల్చాలని కోరతామన్నారు. తప్పు జరిగితే దోషులను వెంటనే శిక్షించాలని డిమాండ్ చేశారు షర్మిల..
