కామారెడ్డి , వెలుగు: ఓటింగ్ శాతం పెంపునకు ఆఫీసర్లు కృషి చేయాలని జహీరాబాద్ పార్లమెంట్ పరిధి జనరల్ అబ్జర్వర్ గోపాల్ జి తివారీ పేర్కొన్నారు. ఆదివారం కామారెడ్డి మున్సిపాలిటీ పరిధిలోని దేవునిపల్లిలో పోలింగ్ కేంద్రాన్ని ఆయన పరిశీలించారు. అక్కడున్న స్టాప్తో మాట్లాడారు. ఎన్నికలు స్వేచ్చాయుత వాతావరణంలో సజావుగా జరిగేలా చూడాలన్నారు. జిల్లాలో 6 లక్షల 80 వేల మంది ఓటర్లు ఉన్నారని 913 పోలింగ్సెంటర్లు ఏర్పాటు చేశామన్నారు. కలెక్టర్జితేష్ వి పాటిల్, ఆర్డీవో రఘునాథ్రావు, నోడల్ఆఫీసర్రఘునాథ్, ఆఫీసర్లు పాల్గొన్నారు.
లింగంపేట, వెలుగు: కామారెడ్డి జిల్లా లింగంపేటలోని జడ్పీ హై స్కూల్‌ లో ఏర్పాటు చేసిన పోలింగ్ కేంద్రాలను జహీరాబాద్ పార్లమెంట్ ఎన్నికల అబ్జర్వర్ గోపాల్ తివారీ ఆదివారం పరిశీలించారు. ఈ సందర్భంగా ఆయన మాట్లాడుతూ.. జహీరాబాద్పార్లమెంట్ పరిధిలో 18 –-19 ఏళ్ల వయస్సు కల్గిన 53,678 మంది నూతన ఓటర్లు ఓటుహక్కు పొందారని వీరందరికి ఈనెల13న జరిగే పార్లమెంట్ ఎన్నికల్లో ఓటు వేసే అవకాశం కల్పిస్తామని ఆయన చెప్పారు.
ఎల్లారెడ్డి జీవదాన్ పాఠశాలలో ఏర్పాటు చేసిన స్ట్రాంగ్ రూమ్ను అందులో భద్రపర్చిన ఈవీఎంలను ఆయన పరిశీలించారు. ఎల్లారెడ్డి ఆర్డీఓ మన్నె ప్రభాకర్, నోడల్ అధికారి రఘునాథ్, లింగంపేట డిప్యూటీ తహసీల్దార్ చంద్ర రాజేశ్వర్ తదితరులు ఉన్నారు. ఓటింగ్ శాతం పెంపునకు కృషి చేయాలి
