సత్యదేవ్, డాలీ ధనంజయ లీడ్ రోల్స్‌‌లో ఈశ్వర్ కార్తీక్ తెరకెక్కించిన చిత్రం ‘జీబ్రా’. ఎస్‌‌ఎన్ రెడ్డి, బాల సుందరం, దినేష్ సుందరం నిర్మించారు. నవంబర్ మూడో వారంలో విడుదలైన ఈ చిత్రం ఇప్పుడు ఓటీటీ స్ట్రీమింగ్‌‌కు రెడీ అయింది.
డిసెంబర్ 20 నుంచి ఆహా ఓటీటీలో స్ట్రీమింగ్ కాబోతోంది. ఈ సందర్భంగా ప్రెస్‌‌మీట్ నిర్వహించారు. థియేటర్స్‌‌లో విజయం సాధించిన ఈ సినిమా ఓటీటీ ద్వారా మరింత ఆదరణను అందుకోనుందని హీరో సత్యదేవ్ చెప్పారు. నటి ఉషశ్రీ, నిర్మాత ఎస్‌‌ఎన్ రెడ్డి, ఆహా కంటెంట్ వైస్‌ ప్రెసిడెంట్ శ్రీనివాస్ కుమార్, మార్కెటింగ్ ఆఫీసర్ విపిన్ ఉన్ని పాల్గొన్నారు.
