టాలీవుడ్ వెర్సటైల్ యాక్టర్ సత్యదేవ్ ప్రస్తుతం జీబ్రా అనే సినిమాలో హీరోగా నటిస్తున్నాడు. ఈ సినిమాలో కన్నడ ప్రముఖ హీరో ధనుంజయ్, సత్యరాజ్, సునీల్, కమెడియన్ సత్య తదితరులు ప్రధాన తారాగణంగా నటిస్తున్నారు. ఈ సినిమాకి ఈశ్వర్ కార్తీక్ దర్శకత్వం వహిస్తుండగా ప్రముఖ సినీ నిర్మాతలు ఎస్.ఎన్ రెడ్డి - బాల సుందరం, దినేష్ సుందరం తదితరులు కలసి ఓల్డ్ టౌన్ పిక్చర్స్ బ్యానర్ పై నిర్మించారు. ఈ సినిమా తెలుగుతోపాటూ తమిళ్, కన్నడ, హిందీ తదితర భాషలలో రిలీజ్ కానుంది. అయితే ఈరోజు జీబ్రా సినిమా ట్రైలర్ రిలీజ్ అయ్యింది.
ఈ సినిమాలో హీరోయిన్ ప్రియా భవానీ శకంకర్ బ్యాంక్ ఉద్యోగిగా పని చేస్తుంటుంది. అనుకోకుండా అకౌంట్ నంబర్ లో ఒక్క డిజిట్ తప్పుగా రాయడం వలన పెద్ద మొత్తంలో డబ్బు చేరాల్సిన అకౌంట్ కి కాకుండా మరో అకౌంట్ లో జమవుతుంది. దీంతో ఈ డబ్బు ని రికవరీ చేసేందుకు హీరో సత్యదేవ్ తంటాలు పడుతుంటాడు. ఈ క్రమంలో సత్యరాజ్, సునీల్, ధనుంజయ్ తదితరులని కలుస్తాడు. ధనుంజయ్ యాక్షన్ సన్నివేశాలు బాగానే అలరించాయి. ఇక వీళ్లందరిమధ్య సాగే సన్నివేశాలు ఆకట్టుకున్నాయి. ముఖ్యంగా ట్రైలర్ మధ్యలో డబ్బు కంటే విలువైనది ఉందా అనే డైలాగ్ మొత్తం ట్రైలర్ కి హైలెట్ గా నిలిచింది.
ఈ విషయం ఇలా ఉండగా జీబ్రా సినిమా నవంబర్ 22న ప్రపంచవ్యాప్తంగా ముందుకు వస్తోంది. ఈ క్రమంలో సినిమా యూనిట్ ప్రమోషన్స్ విషయంలో బగానే కష్టపడుతున్నారు. కాగా ట్రైలర్ ని కూడా టాలీవుడ్ మెగాస్టార్ చిరంజీవి చేతుల మీదుగా రిలీజ్ చేయించారు. మరి ట్రైలర్ తో అలరించిన సత్యదేవ్ థియేటర్లలో ఎలా ఆకట్టుకుంటాడో చూడాలి.
