హైదరాబాద్, వెలుగు: దుబాయ్కు వెలుతున్న ఇండియన్ల సంఖ్య ఏటా పెరుగుతూనే ఉంది. 2019తో పోలిస్తే 2023 మొదటి 5 నెలల్లో విజిటర్ల సంఖ్య 23 శాతం పెరిగిందని దుబాయ్ ఎకానమీ అండ్ టూరిజం డిపార్ట్‌‌‌‌‌‌‌‌మెంట్ (డీఈటీ) తెలిపింది. ఈ ఏడాది మొదటి ఐదు నెలల్లో పది లక్షల మంది దుబాయ్ను సందర్శించారు.
దుబాయ్ గురించి ప్రచారం చేయడానికి ఆంధ్రప్రదేశ్, కర్ణాటక, కేరళ, తమిళనాడు, గుజరాత్, పంజాబ్, ఢిల్లీ, రాజస్థాన్, మహారాష్ట్ర, మధ్యప్రదేశ్, ఒడిశా, అస్సాం, ఉత్తరప్రదేశ్‌లలోని 30 నగరాల నుంచి 200 మందికి పైగా ట్రావెల్ ఏజెంట్‌‌‌‌‌‌‌‌లతో ప్రచార కార్యక్రమాలను నిర్వహించామని తెలిపింది.
ALSO READ:పొద్దున 7 గంటలకు టిఫిన్.. మధ్యాహ్నం 3 గంటలకు భోజనం
వేసవి సెలవుల కోసం దుబాయ్‌‌‌‌‌‌‌‌ని అంతర్జాతీయ గమ్యస్థానంగా మార్చడానికి ఈ ఏడాది మార్చిలో హైదరాబాద్, బెంగళూరు, చెన్నైలలో రోడ్‌‌‌‌‌‌‌‌షోలను నిర్వహించామని డీఈటీ పేర్కొంది.
